а того ответчика велеть на них править безсрочно, а им вместо тех пошлин велеть деньги доправить на таких ответчиках в те поры, как они их сыщут. А будет такова ответчика подьячей и пристав не сыщут, и в лицах того ответчика не будет, и за того ответчика и исцов иск велеть доправить на том же подьячем и на приставе, которые того ответчика с Москвы без порук отпустят, и отдавати исцом безволокитно.
  124. А пошлин в государеву казну по судным делам имати у бояр, и у окольничих, и у думных людей, и у стольников, и у стряпчих, и у дворян московских, и у дьяков, и у жильцов, и у голов стрелецких, и у дворян, и у детей боярских городовых, и у иноземцов, и у гостей, и у дворовых людей всех чинов, и у подьячих, и гостиные, и суконные, и черных сотен, и слобод, посацких людей, и у кадашевцов, и у барашей, и у садовников, и у казаков, и у пушкарей, и у затинщиков, и у ямщиков, и у всяких служилых людей, опричь стрельцов, и государевых дворцовых сел, и с помещиковых и с вотчинниковых християн и бобылей, с рубля по гривне, да с суда пересуду по шти алтын по четыре денги, да праваго десятка четыре денги. А со лживых кабал, и з записей, и за насильство против того пошлины имати вдвое, а за какое насильство те пошлины имати вдвое, и то писано ниже сего по статьям.
  125. А что пожалованы с судных дел пошлинами шатерничьи и дворовые люди, и им те пошлины имати по наказом по прежнему, а достальныя пошлины имати в государеву казну.
  126. А с стрельцов с московских и с городовых по судным делам государевых пошлин, и пересуду, и праваго десятка с их стрелецких исков з двунатцати рублев не имати. А будет кто сторонней человек учнет искати на стрельце на сто рублев, а по суду в том .иску стрелец будет виноват, и с того иску со ста рублев пошлин не имати же. А которые стрельцы учнут искати на стороннем человеке больши двунатцати рублев, или сторонней человек учнет на стрельце искати

<<<назад<<< * перейти на стр. 1-264 * збірник літератури №34 * >>>далее>>>