реву службу, учнут покупати людския и конския кормы, и тем людем продавати ратным людем людския и конския кормы прямою ценою, а лишних денег на ратных людех ни за что не имати.
  6. А будет которые ратные люди, идучи на государеву службу, учнут каким людем насильство чинити, а по суду сыщется про то допряма, и тем людем наказание чинити смотря по вине, и убытки доправити, и отдати тем людем, кто чем изобижен.
  7. А будет которые люди учнут ратным людем продавати людския и конския кормы дорогою ценою, и тем людем по суду и по сыску, по тому же наказание чинити, а лишнее взятое отдавати.
  8. А которые государевы ратные всяких чинов люди будут на государево службе в полкех, и государева служба им по розбору служити мощно, а они не дождався отпуску з государевы службы зъбегут, и им за побег чинити указ, кто збежит в первые, и его бити кнутом, а будет тот же збежит в другие, и его бити кнутом же, да поместнаго окладу у него убавити пятьдесят четвертей, да денег с поместного его окладу со ста четвертей по рублю, а будет он же збежит в третьие, и его бити кнутом же, да у него же отняти поместье и отдати в роздачю.
  9. А будет с службы збежит иноземец, или иной какой кормовой человек, или стрелец, или казак, или даточной человек: и тех сыскивая и чиня им жестокое наказание, бив кнутом, выслати их на государеву службу в полки к воеводам с приставы. А незаслуженое жалованье на кормовых людех и на стрелцах и на казаках правити по росчету, а даточных беглых людей только в сыску не будет, и за тех даточных беглых людей правити на тех людех, чьи те люди с службы збегут, за всякого человека по двадцати рублев.
  10. Да и бояром и воеводам без государева указу ратных людей з государевы службы не роспущати, и посулов и поминков не имати.
  11. А будет бояре и воеводы без государева указу ратных людей з государевы службы учнут отпущати, и посулы и поминъки имати, а сыщется про то

<<<назад<<< * перейти на стр. 1-264 * збірник літератури №34 * >>>далее>>>