е возлюбиши Господа Бога твоего от всея душа своея и подвигни вся твоя дела и обычаи и нравы угодная творити по заповеди Его, паки жи искреняго си возлюби всякаго человека по образу Божию созданна рекше всякаго християнина, страх Божии всегда имеи в сердцы своем, и память смертную всегда волю Божию творити, и по заповедем Его ходи рече Господь в чем тя застану в том и сужу, ино достоит всякому християнину готову быти в добрых делех в чистоте и в покоянии и во всяком исповедании всегда чающе часа смертнаго.
  
  5. Како святительскии чин почитати,
  тако же и священническии чин и мнишескии
  Ко святительскому чину всегда прибегаи, и должную честь им воздаваи и благословения и духовнаго поучения от него требуи от них, и припадаи к ногам их, и во всем повинуися им по Бозе священническому чину и мнишескому велию веру и любовь и повиновение, и всякое покорение пред ними имеи, и духовную ползу от них внимаи те убо суть слуги и молебники Небеснаго Царя имеют дерзновение у Господа, просити добрых и полезных душам нашим и оставление грехов и жизни вечьныя.
  
  6. Како посещати в монастырех и в болницах
  и в темницах и всякаго скорбна
  В монастыри, и в болницы и в пустыни и в темницы закълюченных посещаи и милостыню и сил всяких потребных подаваи елико требуют, и види беду их и скорбь и всяку нужу елико возможно помогаи им и всякаго скорбна и бедна и нужна и нища не презри, введи в дом свои напои накорми согреи одежи всею любовию и чистою совесьтию теми милостива Бога сотвориши и свободу получиши а родителем своим преставльшимся память твори к церквам Божиим приношение и в дому по них кормлю твори нищим милостыню и сам от Бога помяновен будеши.
  
  7. Како царя и князя чтити и повиноватися во всем
  и всякому властелю покарятися и правдою служити им во всем,
  к большим и к меншим, и скорбным и маломощным
  ко всякому человеку какову быти, и себе о сем внимати
  Царя боися и служи ему верою и всегда о нем Бога

<<<назад<<< * перейти на стр. 1-64 * збірник літератури №33 * >>>далее>>>