на них грозу свою соблюдеши я от телесных да не посрамиши лица своего да в послушании ходит да не свою волю приимеши и в неразумии прокудит девство свое, и сотворится знаем твоим в посмех и посрамят тя пред множеством народа аще бо отдаси дщерь свою бес порока то яко велико дело совершиши и посреди собора похвалишися при концы не постонеши на ню любя же сына своего учащаи ему раны да последи о нем возвеселишися казни сына своего измлада и порадуешися о нем в мужестве и посреди злых похвалишися и зависть приимут враги твоя, воспитаи детище с прещением и обрящеши о нем покои и благословение, не смеися к нему игры творя в мале бо ся ослабиши в велице поболиши скорбя и после же яко оскомины твориши души твоеи, и не даж ему власти во юности но сокруши ему ребра донележе растеть а ожесъточав не повинет ти ся и будет ти досажение и болезнь души и тщета домови погибель имению и укоризна от сусед и посмех пред враги пред властию платежь и досада зла.
  
  18. Како детем отца и мати любити
  и беречи и повиноватися им и покоити их во всем
  Чада послушаите заповеди Господни, любите отца своего и матерь свою и послушаите их, и повинуитеся им по Бозе во всем, и старость их чтите, и немощь их и скорбь всякую от всея душа понесите на своеи выи, и благо вам будет и долголетны будете, и прославитеся от человек, и дом его будет благословен в веки, и насьледит сыны сынов твоих и досьтигнет старости маститы во всяком благоденьстве дни своя препровожают аще ли кто злословить или оскорбляет родителя своя или кленет или лает сии пред Богом грешен от народа проклят аще кто биет отца и матерь от церкви и от всякия святыни да отлучится, и лютою смертию и градцкою казнью да умрет, писано бо есть отча клятва иссушит а матерня искоренит сын или дщерь, не послушьливы отцу или матери, в пагубу им будет и не поживут днеи своих иже прогневают отца и досажают матери. Мнится не согрешяя к Богу, и есть поганого горее, и обещник

<<<назад<<< * перейти на стр. 1-64 * збірник літератури №33 * >>>далее>>>